|
|
അണുകുടുംബദശകം
|
| |
|
| |
|
| |
അണുകുടുംബമേ സ്വസ്തി
വാഴ്ത്തപ്പെട്ടവയല്ലോ
നീ!
പിതാവും പുത്രനും പിന്നെ
മാതാവും പുത്രിയും
തഥാ!.
മഹിമയ്ക്കിണങ്ങും വീടും,
ചുമന്നുതന്നെയാത്രകള്
ടെന്ഷന്
(വെയ്റ്റ്) കുറച്ചീടാനായി,
സേഫ്റ്റി വാല്വുകളുണ്ടെടോ.
കാറും
വീട്ടിന്നകംതന്നെ
വീട്ടിലെ ദൈവമുണ്ടതില്
സദാ കേള്ക്കുന്ന
ശാസ്ത്രീയ-
സംഗീത സിഡിയും സുഖം.
അന്ന വസ്ത്രാദി മുട്ടാതെ
നീയല്ലോ
കാത്തിടുന്നതും
പങ്കുവെക്കാതിരിക്കുവാന്
പല പാഠങ്ങള്
തന്നതും.
ലോണിലൂടെ കീഴടക്കാന്
ബഹുദൂരങ്ങള് കാട്ടിയും
മായയെ നീക്കി
നീയല്ലോ
`സായുജ്യം' നല്കുമേവനും.
(വെറുതെ
സംശയിക്കേണ്ട
വീട്ടുപേരതുതന്നെടോ)
നിക്ഷേപം
പലരൂപത്തില്
കാത്തുകൊള്ളുന്നു നിത്യവും
ചെറുകുടുംബം
സന്തുഷ്ടം
ആപ്തവാക്യസമന്വിതം.
ഭുജിക്കേണം ഭജിക്കേണം
സകലം
സ്വന്തമാക്കണം
ശരീരംതാന് പ്രമാണമെ-
ന്നകതാരില്
നിനയ്ക്കണം.
കണ്ടിരിക്കില്ലയാകാശം
അതില്
കാര്യവുമില്ലെടോ
ടെറസ്സില് `ദുഃഖിതര്'ക്കൊപ്പം
`പാനം'
ചെയ്യുമിടയ്ക്കിടെ.
അത്യുത്തമം ഞായര്തന്നെ
മറ്റെല്ലാം
കണക്കാണെടോ
വീണുകിട്ടും ബന്ദുതന്നെ
(ഹര്ത്താലെന്നും
വായിച്ചിടാം)
ബീവറേജസ്സിന്നു സ്തുതി!.
പത്താമത്തെ
ശ്ലോകമാകു-
ന്നണുകുടുംബമേ സ്വസ്തി.
നീ തന്നെ ജ്ഞാനമാനന്ദം
നീ തന്നെ
വര്ത്തമാനവും!
ഓം ശാന്തി:... ശാന്തി:... ശാന്തി:!
|
| |
|
|
|
|
|
|
|
ഈ
കവിതയേക്കുറിച്ചുള്ള നിങ്ങളുടെ അഭിപ്രായം രേഖപ്പെടുത്താം......
