Roberto Juaroz

എഴുതുക
എന്നിട്ട് അതിനെ
അതേ താളില്‍ വിട്ടുകളയുക

മറ്റൊരിക്കല്‍ വായിക്കാനല്ല
ആര്‍ക്കെങ്കിലും കാണിക്കാനല്ല
എവിടേയ്ക്കെങ്കിലും അയച്ചുകൊടുക്കാനുമല്ല
എഴുത്തിനെ വെറുതെ
അതിന്റെ പാട്ടില്‍ വിടുക

ഓരോ പാഠവും അതിന്റെ വായനക്കാരെ
കണ്ടെത്തുന്നതുപോലെ
അതും തന്റെ വായനക്കാരനെ
സ്വയം കണ്ടുപിടിക്കട്ടെ

ആര്‍ക്കുംതന്നെ വായിക്കാന്‍ അസാദ്ധ്യമായവിധം
നാം ഉള്ളില്‍ എഴുതി കൊണ്ടുനടക്കുന്ന ആ പാഠത്തേയും
അങ്ങനെ വിടുക

...........................

മൊഴിമാറ്റം : പി. പി. രാമചന്ദ്രന്‍