Sindhu Menon
പുതുവര്‍ഷം പ്രകൃതി
ആഘോഷിക്കുന്നില്ല
തിരുവാതിരക്കോ 
ഓണത്തിനോയെന്നപോലെ
ഒരു ചെടിയും
പൂവിടുന്നില്ല
കായ്ക്കുന്നില്ല
ഒരു പക്ഷിയും
ചിലക്കുന്നില്ല
വിന്‍ഡര്‍ മാര്‍ക്കറ്റിലെ
കുപ്പികളില്‍ എരിയുന്നു
ചുവന്ന സൂര്യൻ
ഷോപ്പിംഗ് മാളുകളില്‍
പൂക്കുന്നു പല വര്‍ണ്ണങ്ങളിലുള്ള
ആശംസകാര്‍ഡുകള്‍
വെട്ടേറ്റവര്‍ ആബിദ്,
അജിത് ആസിന്‍
അവന്റെ പേരുണ്ടാവല്ലെയെന്ന്
അമ്മയാവുന്നു ഞാന്‍
ആഘോഷങ്ങള്‍ ചിലര്‍ക്ക്
മുങ്ങി മരിക്കാന്‍
ഉള്ളതാണ്
മറ്റു ചിലര്‍ക്ക് ഒറ്റപ്പെടാനും
ചിലര്‍ക്കത് ഉയരമാണ്
ബുര്‍ജ് ഖലീഫയൊക്കെപോലെ
അവരുടെ ഗ്ലാസ്സില്‍
ചുട്ടുപൊള്ളുന്ന
മരുഭൂമിയും
നക്ഷത്രങ്ങളും ഐസുമിട്ട്
അതിനെ ഒറ്റയടിക്ക്
വിഴുങ്ങുന്നു
വെടിയും പുകയുമായി
ഒരു രാത്രി കത്തി തീരുന്നു
ഹാപ്പി ന്യുയിയര്‍ എന്ന്
വിളിച്ചു കൂവുന്നു