Ajith
ആണ്‍കൂട്ടം
ശരീരം കോര്‍ത്ത്‌ മാലയിടുമ്പോള്‍
ആരംഭിയ്ക്കുന്നു നാടകം

ദേഹത്തിന്റെ വിടവിലൂടെ മാത്രം
നാടകം കാണുമ്പോള്‍
കുടിയനായ്‌ വരുന്ന നടന്റെ അഭിനയത്തില്‍
ജീവിതം മണക്കാം
അട്ടഹാസവും
പെണ്ണിന്റെ കരച്ചിലും കേള്‍ക്കാം

പാതിതെളിയുന്ന ഓരോ കാഴ്ചയും
മുറിഞ്ഞുവീഴുന്ന ഓരോ സംഭാഷണവും
ഓരോരോ നാടകങ്ങളാക്കാം

കേട്ടുകേള്‍വിയുടെ
വിടവുകാഴ്ചയുടെ
ജീവിതം തുടിക്കുന്ന,
മടക്കിക്കുത്തിയ കള്ളിമുണ്ടുകള്‍
പൊയ്ക്കാലില്‍ ഏന്തിവലിയുന്ന
അസംബന്ധനാടകം.