Raman. P
കുന്നിന്‍ മുകളില്‍ നിന്നും
ഒലിച്ചിറങ്ങിയ പാറ
പാടത്തെ ചെളിയ്ക്കിടയിലൂടെ
ഊളിയിട്ട്‌
കോളനിയിലെ കിണറ്റില്‍ പൊന്തി.

രണ്ടുകോല്‍ക്ക്‌ വെള്ളമുള്ള കിണറ്റില്‍
ഇന്നലെ അബദ്ധത്തില്‍ വീണവള്‍
മരിച്ചത്‌ വെള്ളം കുടിച്ചല്ല
മുഖം തകര്‍ന്ന്‌.

കുഴിച്ചിടാന്‍ കിളയ്ക്കുമ്പോള്‍
ആദ്യത്തെ കിള
പാറയില്‍ത്തട്ടി
തീപാറി.

പിന്നെ കിളയ്ക്കരുതാത്തതിനാല്‍
വിറകു വിലയ്ക്കു വാങ്ങി
തീ പടര്‍ത്തി.