Abhirami
ഒത്തിരി ചിത്രങ്ങള്‍ ഞാന്‍ വരച്ചു
ചന്തം നിറഞ്ഞവയായിരുന്നു
പൂവ്‌ പൂമ്പാറ്റ പുല്‍ച്ചാടി പൂമുല്ല
പുഴയിലൊഴുകുന്ന കൊച്ചുവള്ളം
കുന്നിന്‍പിറകിലൊളിച്ചുകളിക്കുന്ന
തീക്കനല്‍ക്കട്ടയും ഞാന്‍ വരച്ചു
പുതുമഴ പെയ്തു
കനത്ത മഴ
ചിത്രങ്ങളെല്ലാം നനഞ്ഞൊലിച്ചു
എന്റെ ജലച്ചായം ഇളകിപ്പരന്നു
കള്ളക്കാറ്റ്‌ അവ കൊണ്ടുപോയി
കാറ്റിന്‍ മുഖത്തൊരു കള്ളച്ചിരി
എന്റെ കണ്ണിലൊരുതുള്ളി നീരും

കൂടുതല്‍ കവിതകള്‍