Mohanakrishnan Kaladi
ചാരിനില്‍ക്കാനാഞ്ഞ കാറ്റ്
ചാഞ്ഞു വീണു

ചിറകൊതുക്കാന്‍ താണ പക്ഷി
ചിതറി വീണു.

പിണഞ്ഞുകേറാന്‍ ഉടല്‍ കാണാതെ
വള്ളിച്ചെടി തലതല്ലിച്ചത്തു.

കുടിയിരിക്കാന്‍ വേരു കാണാതെ
നിലാവ്‌ സ്വന്തം നിറുക്‌ വെട്ടിപ്പൊളിച്ചു.

ഊഞ്ഞാല്‍ കെട്ടാന്‍ വന്നവരോടു
ശൂന്യത ഒരു കടംകഥ ചോദിച്ചു :

തണലും കവര്‍ന്നെടുക്കപ്പെട്ട യത്രികന്‍
കിടന്നേടം മാറിപ്പോകാതിരിക്കാന്‍
എന്തടയാളം വയ്ക്കും ?

പുല്ലാംകുഴല്‍ വിഴുങ്ങി മരിച്ച ഗയകന്‍
ഏതു പൊത്തില്‍ച്ചെന്നൊളിച്ചിരിക്കും?

കൂടുതല്‍ കവിതകള്‍