Sreekumar Kariyad
കോള്‍-മയിര്‍

കാമുകിമാരില്‍നിന്നും
ഫോണ്‍മൊഴി പോകുന്നത്
വാര്‍മയില്‍ നിരനിര-
യായ്പ്പറന്നകലുംപോല്‍

കാമുകരതുകേള്‍ക്കെ
നര്‍ത്തനം ചെയ്‍വൂ നീല-
സര്‍പ്പമായ്, വിനിമയ-
ക്കോള്‍മയിരല്ലേ പ്രേമം?

വൃന്ദാവനവാര്‍ത്തകള്‍

രാധയ്ക്കു മില്‍മയില്‍ ജോലി കിട്ടി
കൃഷ്ണന്‍ കുഴല്‍വിറ്റു തണ്ണിമോന്തി
വൃന്ദാവനത്തിലെ കോങ്കണ്ണിഗോപികള്‍
അഞ്ജനം കാളിന്ദിയില്‍ കലക്കി..

ബ്ലൂഫിലിം

ആകാശനീലാഭ്രപാളികളില്‍
പാതിരാദേവിതന്‍ കാമകേളി

ക്രോംകാരം

ആദിയില്‍ ക്രോംകാരമാ-
ണുണ്ടായതെന്നായിടാം
ആ ചൊറിത്തവളതന്‍
വിശ്വാസം, വേദാന്തവും.

മുഴുവനെ


മുഴുവനെ നില്‍ക്കുന്നു
മൂന്നു പെണ്‍കുട്ടികള്‍
മൂവര്‍ക്കും മൂന്നുവയസ്സുമാത്രം