Smitha Meenakshi
ഇരുപത്തിയഞ്ചാമത്തെ മണിക്കൂറിലാണു 
ഇതൊക്കെ  സംഭവിക്കുന്നത്,
ഒരു കവിത ഉരുകിയൊലിച്ചു 
രക്തത്തില്‍ കലരുക,
ഒരു പ്രണയം പൊട്ടിത്തുറന്നു
ശ്വാസത്തില്‍ നിറയുക,
വല്ലാത്തൊരു തിടുക്കത്തില്‍ 
വാതില്‍ തുറക്കേണ്ടി വരും അപ്പോള്‍.
 
ഏറ്റവും പ്രിയപ്പെട്ടതൊക്കെ 
സംഭവിക്കുന്ന ആ സമയത്താണു
എന്റെ ഹൃദയം കൂടുതല്‍ മിടിക്കുന്നത്.
 
അങ്ങനെയൊരു 
ഇരുപത്തിയഞ്ചാം മണിക്കൂറിലാണു 
ഞാന്‍ ഋതുമതിയായത്.