കുട്ടിയുടെ കണ്ണുകളില്‍ നിന്ന്
ഉറക്കം കവര്‍ന്നെടുത്തതാരാണെന്ന്
എനിക്കറിയണം.

കുട്ടിയുടെ കണ്ണുകളില്‍
തിടുക്കത്തില്‍ തത്തിക്കളിക്കുന്ന ഉറക്കം
എവിടെനിന്നാണു വരുന്നതെന്ന് ആര്‍ക്കെങ്കിലുമറിയുമോ....?

ഞാന്‍ ഇത്രമാത്രമെ  പറഞ്ഞുള്ളു:
"സന്ധ്യക്ക് 
ആ കദംബമരത്തിന്‍റെ കൊമ്പില്‍ 
കുടുങ്ങിനില്‍ക്കുന്ന പൂര്‍ണ്ണചന്ദ്രനെ
ആര്‍ക്കെങ്കിലും എനിക്ക് പിടിച്ചുതന്നുകൂടെ?"

എന്‍റെ കുട്ടി,
നാം ഒരേ ലോകത്തിന്‍റെ ഒഴുക്കില്‍
ഒരുമിച്ചു നീങ്ങുന്നവരാണെന്നതിനാല്‍
എന്തെങ്കിലും നിനക്കുതരാന്‍ ഞാന്‍ ആഗ്രഹിക്കുന്നു.
നമ്മുടെ ജീവിതങ്ങള്‍ വേര്‍പിരിയും,
നമ്മുടെ സ്നേഹം വിസ്മരിക്കപ്പെടും.

കാര്‍മേഘങ്ങള്‍ ആകാശത്ത് മുരളുകയും
ഇടവപ്പാതി താഴേക്കൊഴുകുകയും ചെയ്യുമ്പോള്‍,
നനഞ്ഞ പടിഞ്ഞാറന്‍കാറ്റ് ഓടക്കൂട്ടങ്ങളിലൂടെ കുഴലൂതുന്നതിനായി
കുറ്റിക്കാടുകള്‍ക്കുമുകളില്‍ വീശിയടിക്കുമ്പോള്‍,
എവിടെനിന്നെന്നറിയാതെ ഒരുകൂട്ടം പൂവുകള്‍
പ്രാകൃതമായ ഉല്ലാസത്തോടെ
പൂല്‍ത്തകിടികളില്‍ നൃത്തം ചെയ്യുന്നതിനായി
പെട്ടെന്ന് ഭൂമിയില്‍ പ്രത്യക്ഷപ്പെടുന്നു.

അമ്മേ, 
എന്‍റെ പുസ്തകങ്ങള്‍ ഇപ്പോഴെടുത്തുപഠിക്കാന്‍
എനിക്കുതോന്നുന്നില്ല.
എല്ലാ പ്രഭാതങ്ങളിലും ഞാനവ വായിക്കാറുണ്ടല്ലോ!

ഏകാന്തമായ പ്രഭാതസന്ധ്യയിലെ അലിഞ്ഞുപോവുന്ന ഇരുട്ടില്‍
കിടക്കയില്‍ അമ്മയെന്നെ പരതുമ്പോള്‍ ഞാന്‍ വിളിച്ചു പറയുംڈ:
"കുട്ടി അവിടെയില്ല..."
അമ്മേ, ഞാന്‍ പോകുന്നു...

അമ്മ പറയുന്നു,
അച്ഛന്‍ ഒരുപാട് പുസ്തകങ്ങളെഴുതുന്നുവെന്ന് !
പക്ഷെ അച്ഛന്‍ എഴുതുന്നതൊന്നും എനിക്കു മനസ്സിലാകുന്നില്ല.
എല്ലാ വൈകുന്നേരങ്ങളിലും
അച്ഛന്‍ അമ്മയെ അതു വായിച്ചു കേള്‍പ്പിക്കും.
പക്ഷെ അച്ഛനെന്താണ് ഉദ്ദേശിക്കുന്നതെന്ന്
അമ്മക്ക് പിടികിട്ടാറുണ്ടോ...?

123L